德甲停咗两个月终於返嚟喇，重开首战即有重头戏，「3哥」RB莱比锡力并拜仁慕尼黑。拜仁下半季最大分别，系长期一号门将纽亚重创缺阵，唔多唔少会影响防守，倒不如以攻代守，RB莱比锡今季联赛主场不败，以往亦唔怕同拜仁斗攻，两军对战经常有大手交易，3.5球入球大必捧。（周六凌晨3时30分开赛）

拜仁慕尼黑後防唔稳阵

创下联赛10连霸嘅拜仁，现时领先次席弗赖堡4分，及今场对手RB莱比锡6分。但门将纽亚竟然喺度假滑雪期间，意外骨折要提早收咧，相信今季会冇咁轻松，早前热身赛起用乌列治把关，喺一度落後1比3下，同萨尔斯堡踢成4成4，可见後防极不稳健。但拜仁胜在中前场力量足够，利莱辛尼、祖普莫亭同基拿比都入到波，教练拿高士文大可以攻代守。

另边厢，RB莱比锡备战积极，早前踢过3场热身赛，合共射入12球，今场有力同拜仁斗攻，事实上两军对碰向来多交收，近5次交手有4次开5球或以上，今场肯定再次出现入球骚。