曼联周日(5日)凌晨主场2比1赢水晶宫，上场复出嘅法国前锋安东尼马迪尔又冇份，领队坦哈格证实佢旧患复发。据报曼联对安东尼马迪尔不断嘅伤患已经「死心」，季尾清洗6人名单当中，呢位法国前锋亦榜上有名。

安东尼马迪尔今季各项赛事只踢过13场，但已有6个入波，表现其实唔差，但佢断断续续因大腿、足踝同背部伤患缺席18场赛事，就令佢唔能够持续候命，喺英联盃对森林伤愈复出後备上阵踢30分钟後，又搞到旧患复发，坦哈格表示：「马迪尔原本谂慢慢操起，但依家又伤，我哋要畀啲耐性，唔可以操之过急。」

据英国《太阳报》表示，曼联已决定季尾清洗6个球员，安东尼马迪尔就系其中之一，另外5人分别系哈利马古尼、麦汤米尼、云迪碧克、艾历拜利同阿历士迪尼斯。