曾经协助皇马6次捧西甲及5次捧欧联冠军嘅马些路，上季结束约满离队後，上年9月初加盟希腊球队奥林比亚高斯，但呢位34岁巴西左後衞无复当年之勇，加上受到伤患问题困扰，日前被奥林比亚高斯提早解约。

马些路曾经效力皇马15年，捧盃无数，但敌不过岁月，上年夏天离队後，几经波折先至获得奥林比亚高斯收留，签约1年。不过，呢位老将年纪大、机器坏，因为受伤关系，仅为奥林比亚高斯上阵10次，总共踢咗332分钟，其中喺希腊盃入咗3球，最终奥林比亚高斯决定放弃呢位球星，以节省开支。

早前曾经传出沙特阿拉伯豪门艾纳斯有意签入马些路，加上佢同C朗系好朋友，一齐喺皇马并肩作战多年，两人有望喺艾纳斯再次拍住上。