利物浦今季成绩大倒退其中一个主因系中场人脚老化及伤病问题严重，英国传媒指红军主帅高普将对症下药，计划今夏重点签入中场，并睇中有「意甲谢拉特」之称嘅国际米兰中场尼高路巴列拿。

现年26岁嘅尼高路巴列拿属全能中场，传射能力俱佳，并且速度快，拦截能力强，近4季为国际米兰上阵167场，射入17球及34次助攻，亦系意大利夺得上届欧国盃冠军嘅功臣，包括8强对比利时，射入1球。

据悉高普非常欣赏尼高路巴列拿，认为呢位意大利国脚喺技术、斗志、年龄3方面都完美符合佢要求，希望会方签入呢位猛将。不过，车路士都睇中尼高路巴列拿，估计佢身价高达8,000万欧元，红军想签入心头好，并唔容易。