热刺喺欧联16强出局後，一直拒绝续约嘅领队干地，有可能未到季尾完约就先被炒鱿。英国《太阳报》报道，热刺主席利维正考虑搵杜曹出山执教，如果成事嘅话，会系利维在任期间请嘅第5个前车路士领队。

干地喺欧联出局後被问到前途问题，佢话：「我张合约6月到期，到时睇下点，或者热刺好失望，未到约满就炒我呢。」英国《太阳报》消息指，热刺目前未打算炒干地，但如果联赛前4位置出现危机，情况就会改变，而主席利维正考虑搵普捷天奴或杜曹执教。

报道指利维对普捷天奴回归有所保留，更倾向搵德国教头杜曹，佢季初被车路士炒鱿後，仍然等紧落班机会。大批热刺球迷表示，利云搵领队套路只得一招，就系吼住车路士嘅旧主帅，之前已经有荷度、保亚斯、摩连奴同干地，杜曹有望成为第5个「前车长」执教热刺。