巴黎圣日耳门(PSG)欧联出局已经过去一星期，法国传媒终於搵到「死因」，原来球队对拜仁嘅生死战前，多位主力曾相约聚餐，意大利中场马高华拉堤仲饮大咗，到比赛时表现奇差，导致输波。

法国记者Romain Molina爆料指，事发於PSG对拜仁比赛前两日，马高华拉堤同基安卢基当拿隆马两位意大利兵，邀请多名队友聚餐，期间有饮酒，华拉堤仲饮大咗，据报呢次饭局系华拉堤围内几个相熟球员聚会，基利安麦巴比同美斯并无参加。

但系从比赛表现所见，PSG当日个别球员梦游球场，正选上阵嘅华拉堤演出更系灾难级，咁嘅表现遇上拜仁，想唔输都难。

报道指，麦巴比同美斯对於队友嘅聚餐应该系知情嘅，因此对欧联出局特别失望，近日有消息指美斯已拒绝会方首份续约报价，PSG要佢减薪一半当然冇可能，而麦巴比亦观察PSG今夏会否大换血，如果再无实际行动亦唔会留低。