比利时球星夏萨特4年前以1亿欧元转会费加盟皇家马德里，可惜表现未如人意，今季更加被教练安察洛堤打入冷宫。夏萨特日前接受访问，自爆同安察洛堤关系陷入「冷战」，而佢选择退出比利时国家队嘅决定，亦间接由安察洛堤造成。

32岁嘅夏萨特依家冇任何伤患，但自世盃後未喺西甲同欧联踢过1分钟赛事，夏萨特表示：「以安察洛堤喺球坛嘅地位，以佢嘅辉煌生涯，我当然好尊敬佢，不过我哋之间冇偈倾，因为佢真系冇同我讲任何嘢，我哋只系互相尊重。」

夏萨特喺世盃後宣布退出国家队，佢自爆退役决定系受自己喺皇马情况逼使：「退役系100%唔会改变，因为我睇唔到自己喺皇马有上阵机会，喺球会冇波踢而代表国家队比赛，我唔认为系一个好望意，而且比利时新一代值得有上阵机会。」