巴塞隆拿中场布斯基斯结束15年嘅「鲁营生涯」，被誉为世界最佳防守中场之一嘅佢，临走前亦亲自钦点接班人，佢就提出曼城嘅洛迪卡斯简迪、拜仁慕尼黑嘅甘美治同皇家苏斯达新星苏比文迪3个名字。

布斯基斯表示：「我听到大家好多谈论，关於洛迪、关於苏比文迪，佢哋都系非常出色嘅球员，踢法上亦最近接巴塞隆拿DNA，好可惜佢嘅属於其他球队。当然如果想要一个更体力化、更防守性球员，出面都有好多选择，甘美治系另一个层面，佢踢嘅系德国足球，DNA唔系唯一嘅条件。」

事实上，巴塞隆拿收购防中计划仲有唔少人选，狼队嘅葡萄牙中场鲁宾尼维斯就系目标之一，效力贝迪斯嘅阿根廷国脚古度洛迪古斯，据报亦获巴塞教练沙维赏识。