沙特阿拉伯冠军伊蒂哈德近日风芒毕露，继签入法国顶级前锋宾施马後，据报佢哋亦接近另一重量级收购，法国中场尼高路简迪有望日内加盟。

转会消息权威Romano报道，伊蒂哈德嘅代表团目前正身处伦敦，同即将约满车路士嘅尼高路简迪进行斟介，据报佢哋开出年薪为1亿欧元(约8.39亿港元)嘅2年合约，对於32岁嘅尼高路简迪无疑系极大吸引力。

车路士近半年一直同尼高路简迪倾续约，但系迟迟未有达成共识，消息指车仔新帅普捷天奴准备重建中场线，尼高路简迪离队机会极大。