韦斯咸喺欧协联决赛赢波捧盃，普遍认为系队迪格兰赖斯嘅「告别战」，呢位英格兰国脚盛传受到阿仙奴、曼城、曼联同拜仁慕尼黑垂青，不过迪格兰赖斯赛後就非常口密，只强调自己同韦斯咸仲有2年合约。

迪格兰赖斯赛後表示：「出面有好多关於我转会嘅传闻，好明显有其他球会向我提出斟介，不过我同韦斯咸仲有2年合约，即管睇下之後发展系点，我系韦斯咸嘅队长，我爱韦斯咸！」消息指韦斯咸同迪格兰赖斯有君子协定，今个夏天会畀佢转会，转会费约1亿镑(约9.76亿港元)。

消息指阿仙奴系迪格兰赖斯下一站大热，尤其佢同屋企人都唔想离开伦敦，而曼城目前以续约根度简为最大目标，除非根度简最终拒绝续约，曼城先至会考虑出手抢人。