车路士中场基斯甸普列锡转投AC米兰传咗好多日，近日从球员IG所见似乎就快搞掂，普列锡最新IG上传自己喺美国队嘅相，旁边配上美国队红黑色，球迷即时明白当中用意，因为AC米兰都系红黑色，暗示佢将会转投AC米兰。

《米兰体育报》报道，普列锡今季喺车路士沦为後备，上阵30场有20场後备，入1球2助攻，同车路士合约尚余1年，身价估计为3200万欧元，普列锡希望离开车路士寻找新挑战，主动联络AC米兰，更愿意减薪加盟，佢喺车路士年薪为500万欧元。

车路士阵容有人满之患，新帅普捷天奴打算精简阵容，多位球员将被出售，相信普列锡系其中之一，咁嘅环境，球员自己搵定後路都好正常。