今季沙特阿拉伯联赛已经收咧，葡萄牙巨星C朗效力嘅艾纳斯仅屈居亚军，佢再遭受另一个打击，落选今季联赛最佳11人阵容，据悉同佢喺比赛时态度欠佳有关。

C朗今年1月加盟艾纳斯，踢16场联赛入14球，数据上表现的确唔错，但根据着名统计机构OPTA公布嘅今季沙特联赛最佳11人阵容，C朗却榜上无名。其中3位前锋分别为恩哈路、艾比简、巴特纳。

值得一提，恩哈路同C朗一样曾经踢过曼联，呢位效力希拉尔嘅尼日利亚国脚今季联赛有19球进帐。至於艾比简、巴特纳都系效力艾法特，分别入17及10球。

C朗入球数字唔低，但整体表现令人失望，唔少举动遭受批评，包括4月份曾经同队友发生争吵，并向教练团队发泄不满。呢位38岁老将亦曾经多次喺艾纳斯和波，或者输波之後，做出不当行为，包括踢水樽，导致评选被扣分。