美职明星队7月20日将迎战英超劲旅阿仙奴，美职周五(30日)公布大军名单，球迷最关注嘅「球王」美斯未有入选，不过消息指呢位国际迈亚密巨星，仍有机会以其他身份喺比赛中亮相。

根据美斯嘅行程安排，佢会喺7月16日先去到美国，最快喺7月22日会为国际迈亚密处子上阵，由於时间紧逼，美斯冇份入选美职明星队亦唔令人意外。据英国《每日镜报》消息，美斯仍有机会被安排「後补」身份入围，但更加可能嘅系，美斯会以赛事中某个非球员角色，同美国球迷首次见面。

美职明星队26人名单入面，有12人系由投票选出，另有12人系教练挑选，加上美职赛会推举最後2人组成，今次名单星味一般，最「大牌」就系教练朗尼，球员当中有曾喺英超搵食嘅比利时前锋宾迪基。