意大利系传统足球强国，曾夺得4次世界盃及2次欧国盃冠军，至於意国女足成绩虽然唔及男子队，但「颜值」就胜一筹，效力意乙威尼斯女足嘅辛达丝素(Agata Centasso)更被称为最性感女子足球员，深受男球迷欢迎。

现年29岁嘅辛达丝素司职中场，自细就同足球结下不解之缘，皆因爸爸同两位哥哥经常一齐踢波，令佢亦爱上足球。辛达丝素长大之後，唔止成为足球员，仲谱出一段足球恋曲，老公米利奥连尼亦系足球员，曾经效力利禾奴、史帕尔等球会。

辛达丝素经常有机会同另一半切磋球技，脚下功夫自然唔嘢小，但球迷最留意都系佢嘅天使面孔同魔鬼身材，辛达丝素亦非常大方，经常喺社交网上载泳衣相「派福利」，可惜辛达丝素冇份为意大利出战7月底举行嘅女子世界盃。

值得一提，克罗地亚新星安娜马高域(Ana Maria Markovic)被誉为世界最靓女子足球员，球迷都好期待有一日，辛达丝素可以同安娜马高域同场比赛。