英超各路雄狮近日开始复操，上季争标失败嘅阿仙奴已急不及待进行热身赛，周六(8日)喺闭门热身1比1打和英冠嘅屈福特，新加盟嘅德国国脚夏维斯日前正式归队，但并冇喺呢场赛事上阵，预计周五(14日)德国集训对纽伦堡会首度披甲。

阿仙奴开操唔够1个星期，已经安训闭门热身对屈福特，加比尔捷西斯、李安度杜沙特、宾韦特、尼基迪亚等主力带住一众青年军出战，上半场先落後下，凭巴西翼锋马昆奴斯下半场入波追平。阿仙奴即将会启程去德国同美国进行连场热身赛。

据报夏维斯、马田奥迪加特、布卡约沙卡、威廉沙列巴等国脚都已经归队，而且出外集训前仲可能会多2个新球员一齐出发，英格兰中场迪格兰赖斯同荷兰守将祖利安添巴都喺阿仙奴做体测，有望赶及喺上机前完成转会。