英超劲旅纽卡素宣布，德国门将卡利奥斯已同球会续约1年，呢位30岁门神上季长坐冷板，不过仍获领队艾迪侯域信任。纽卡素新一季将会出战欧联，意味卡利奥斯有机会自2018年欧联决赛嘅「恶梦」後，再次踏足欧联舞台。

卡利奥斯18年欧联决赛2度犯错，累利物浦痛失冠军後，事业发展亦急转直下，上年以自由身签约纽卡素，最初只系签约半年，之後延长至1季，虽然佢全季只系踢过1场，就嗰1场就系英联盃决赛大战曼联，即使最终输波，卡利奥斯嘅演出仍获好评，纽卡素日前亦决定同佢再续多1年约。

尼克普比仍然系纽卡素正选门将，有传副选杜巴夫卡有意离队，卡利奥斯续约後有望提升至2号门将，由於纽卡素将会出战欧联，卡利奥斯唔愁冇上阵机会，甚至有机会再喺欧联亮相。