佐敦轩达臣同沙特球队伊蒂法克斟介期间，利物浦另一中场法宾奴又被沙特另一球队伊蒂哈德挖角，对方向利物浦开价4000万镑(约4亿港元)转会费，吸引该位29岁巴西国脚过档。

利物浦今夏先後买入阿历斯麦亚里士打同苏保斯拉尔两名中场，稍後再打算斟介罗美奥拉维亚，但法宾奴喺球队仍然有重要角色，佢同红军仲有3年合约，如果突然被挖走影响颇大。

《利物浦回音》报道，利物浦已经开操，稍後将拉队到德国集训，但系现时每日都有沙特向球队挖角消息传出，肯定有影响，暂时球队同球员都未就挖角消息表态，但沙特球队出手肯定唔低，佐敦轩达臣获伊蒂法克斟介，周薪由19万镑暴增至70万镑，法宾奴面对巨额合约诱惑，好难唔心动。