今个夏天转会窗大展拳脚嘅阿仙奴，据报将会再次出手，效力巴甲甘美奥嘅23岁球星比迪路，传闻将会将685万镑(约6,850万港元)加盟，消息指阿仙奴嘅巴西总监伊度，系今次转会嘅关键人物，佢之前已经喺巴甲挖走加比尔马天尼利、马昆奴斯等新星。

现年23岁嘅比迪路上季喺甘美奥上位，帮球队升班重返巴甲，可以踢中场同右翼嘅佢，今季踢14场联赛有3个入波，阿仙奴依家正为右翼布卡约沙卡物色轮换人选，比迪路就被视为目标人物。

巴西媒体《UOL》指甘美奥本来唔想喺季中放人，但伊度用佢喺巴西嘅影响力成功促成交易，唯一问题系比迪路未知可唔可以申请英国工作证，所以阿仙奴唔排除会收购後，再借佢借番畀甘美奥。