哥伦比亚球星占士洛迪古斯近年发展麻麻，今年4月被奥林比亚高斯炒鱿後，一直搵唔到球会落班，不过转会权威Fabrizio Romano爆料，「J神」已经同巴甲劲旅圣保罗达成协议，将会飞巴西正式签约。

32岁嘅占士洛迪古斯喺阿根廷班菲特成名，之後踢过波图、摩纳哥、皇家马德里、拜仁慕尼黑、爱华顿等大球会，但2年前离开英超後一直下滑，去卡塔尔同希腊搵食都踢唔掂，相隔13年後终於再返南美搵食。

Fabrizio Romano指占士洛迪古斯已同圣保罗达成口头协议，人工约300万欧元(约2,600万港元)年薪，同佢喺奥林比亚高斯嘅合约相近。