英格兰中场佐敦轩达臣落实转会伊蒂法克，据报将会获得70万镑(约700万港元)周薪，不过今次转会就引起性小众(LGBTQ)组职强烈不满，喺2014年出柜嘅前德国国脚希斯佩加，日前公开批评佐敦轩达臣系「伪君子」，过去支持彩虹运动只系得个样。

佐敦轩达臣一直系球坛彩虹运动嘅骨干成员，多次公开支持LGBTQ，但今次竟然加盟一个压迫同性恋以及妇女权益嘅国家，明显违背佢之前嘅立场。讽刺嘅系，喺伊蒂法克公布嘅佐敦轩达臣加盟影片中，故意将佐敦轩达臣之前佩戴彩虹臂章，用特效变成黑白色。

2014年出柜嘅希斯佩加表示：「佐敦轩达臣如愿去沙特阿拉伯，老实讲佢有权去任何地方，我都好有兴趣睇呢个全新嘅轩达臣，因为旧嗰个轩达臣已经死咗！我曾经相信轩达臣系真心支持LGBTQ，我真系一个蠢材！」