喺亚洲集训嘅曼城，今个夏天暂时只有高华锡一个新兵，新球季继续依赖艾宁夏兰特、奇云迪布尼等旧将，不过日前有记者提问一条关於艾宁夏兰特嘅问题，就唔小心辣着哥迪奥拿，搞到呢位西班牙教练怒睥兼爆粗！

哥迪奥拿日前出席记者会，有记者问佢觉得艾宁夏兰特需要做乜，先可以完全融入曼城体系，哥迪奥拿听到後即怒睥发问嘅记者，火爆回应：「当艾宁夏兰特一季入超过60球，我会话佢已经完全融入曼城罗....」哥帅随後摆出一个厌恶表情，再爆粗：「Fxxk！」

唔少网民都撑哥迪奥拿，认为个记者问题「冇脑」，有网民表示：「如果艾宁夏兰特上季都唔算融入，咁其他球队就要搵个天打救！」