曼联斥7,200万镑(约7.2亿港元)收购嘅丹麦前锋贺兰特，早前被爆有伤在身会缺席开季头2轮联赛，但据英国《每日邮报》报道，贺兰特嘅伤势原来仲有内情，MRI发现佢嘅背脊出现压力反应，呢种隐藏伤患需要非常小心嘅治疗同作息安排，所以贺兰特喺季初要严格控制上阵时间，「1周双赛」几本上唔能够承受。

20岁嘅贺兰特喺加盟曼联嘅体测中，被发现背脊有压力反应，如果唔理会嘅话可能恶化成年轻球员常见嘅应力性骨折，所以要特别小心处理。据报贺兰特除缺席头2轮赛事外，季初唔会被安排「1周双赛」，上阵时间亦会严格控制。

贺兰特所受嘅伤患喺17至20岁球员中常见，通常都系身体负荷过重而出现，曼联视贺兰特为长线投资，乐意畀时间佢完全康复，季初会「锡住用」。