热刺今个夏天大换血，澳洲领队普斯迪高路上任改踢进攻足球，王牌前锋哈利卡尼转投拜仁慕尼黑後，为热刺把守大门长达11年嘅洛里斯，据报亦正同意甲劲旅拉素密斟，有望转会。

36岁嘅洛里斯上季尾已决定离队，热刺亦已签入意大利门将古里莫维卡里奥顶替，据意大利《米兰体育报》报道，拉素已同热刺接洽，希望可以免费签入洛里斯，呢位法国门神嘅合约仲有2年，但消息指热刺将会同意畀佢免费转会。

洛里斯喺2012年由里昂加盟热门，上阵过447场比赛，虽然期间未帮热刺捧盃，但喺2018年就协助法国赢得世盃冠军，佢同哈利卡尼两大传奇离队，象徵热刺正式改朝换代。