英国《太阳报》报道，沙特阿拉伯豪门艾纳斯原本计划收购曼城中坚拿朴迪，但现时面临被皇马「截胡」，「银河舰队」准备签入呢位29岁西班牙国脚，顶替早前受伤长抖嘅艾达米列达奥。

曼城今夏签入加华度尔之後，防线人脚充裕，拿朴迪希望离队，争取更多上阵机会，原本同艾纳斯倾得七七八八，但皇马加入争夺战之後，情况有变，毕竟佢仍然希望效力欧洲大球会及踢欧联，如果可以选择，一定系优先考虑皇马。

拿朴迪虽然喺法国出世，但自细喺西班牙受训，包括曾於2012至18年效力毕尔包，对於西甲非常熟悉，亦系皇马睇中佢嘅原因之一，依家就睇两间球会能否达成交易。