土耳其劲旅加拉塔沙雷今个夏天静静起革命，签入韦费特沙夏同薛耶治等球星後，据报佢哋仲想签自由身嘅沙治奥拉莫斯，呢位西班牙中坚目前等紧球会开出合约，有机会再战欧联。

据西班牙媒体《Fichajes》报道，加拉塔沙雷同比锡达斯都准备向沙治奥拉莫斯开出合约，呢位37岁球星自夏天约满巴黎圣日耳门後，已拒绝沙特阿拉伯、美职同南美球会斟介，似乎属意留喺欧洲比赛。加拉塔沙雷依家踢紧欧联外围赛，如果可以晋级分组赛，吸引力无疑高过比锡达斯。

加拉塔沙雷阵中有唔少星级球员，尤其前锋签入韦费特沙夏同薛耶治後，加上原本已有嘅莫路伊卡迪同梅顿斯，中後场亦有卢卡斯托拉拿、夏天由RB莱比锡加盟嘅西班牙球星安祖利奴等等，阵容相当豪华。