曼联喺转会死线前由费伦天拿借用嘅摩洛哥中场苏夫恩岩拉伯特，原来又系带伤加盟，即系同之前签入嘅前锋贺兰特一样，报道话岩拉伯特有背伤，而且曼联亦都知情，相信其伤势唔算太严重。

英国《The Athletic》分析曼联今夏增兵情况，报道指坦哈格希望签入一名6号位中场，而岩拉伯特一直心系曼联，双方都想促成交易，但曼联限於财务公平原则，只能借用，而且喺借用费上多次讨价还价，连1,000万欧元都畀唔起。

直至曼联成功出售甸恩轩达成，获得1,500万镑转会费入帐，先确定借入岩拉伯特，曼联并发现球员背部有伤，但唔算严重，最终达成协议，将会穿起4号球衣。

今次国际赛赛期，岩拉伯特都有入选摩洛哥国家队，将会喺非国外对利比里亚，同埋热身赛对布基纳法索，至於佢几时可以为曼联上阵，仲要睇到时身体情况。