多间传媒报道，阿仙奴贵价前锋尼高拉斯比比落实转投特拉布宗，转会费300万镑(约2,900万港元)，同佢2019年以7,200万镑加盟嘅转会费比较，兵工厂足足蚀咗6,900万镑，虽然损失惨重，但都系一种解脱。

比比加盟阿仙奴以来，表现好唔稳定，3季上阵112场入27球，上季外借到尼斯，上阵28场入8球，今夏归队後已经不在球队计划之内，但系佢14万镑周薪始终系个大问题，又搵唔到买家，令阿仙奴好为难。

比比近日先後获比锡达斯同特拉布宗斟介，最後由特拉布宗签到佢，阿仙奴只系象徵性收番300万镑转会费。