白礼顿击败曼联後，主帅迪萨比被捧为战术大师，因为佢只睇咗15分钟就破解曼联钻石型中场，技术性击倒坦哈格，传媒立即查核迪萨比同白礼顿合约细节，发现佢嘅解约条款只限夏天生效，不容季中挖角。

转会专家罗曼诺报道，白礼顿去季中试过前主帅朴迪被车路士挖角，临时签入迪萨比领军，球队成绩反而仲好，原来当时白礼顿为防止主帅再喺季中被挖角，同迪萨比签定嘅解约条款只限夏天生效，季中唔能够离队。

迪萨比嘅解约金为1,300万欧元(约1亿港元)，如果车路士同曼联想挖角，至少要等到明年夏天先可出手，依家眼看手勿动。