英联盃第3圈除咗英超内斗好睇，仲有一场值得留意，由曼联名宿史高斯、加利尼维利等共同拥有嘅英乙球队沙福特城，就会主场挑战般尼。般尼上场英超踢得好但输畀曼联，今场实搵「同系」球队出气，不过般尼後防亦麻麻，客W太热倒不如玩2.5球入球大好过。（周三凌晨2时45分开赛）

沙福特城喺2014年由曼联「92黄金一代」收购後，由非联赛打起，经过几年打拚上到英乙，可以参加英联盃。今届首圈起步，先後2比2及1比1打和英冠嘅普雷斯顿及列斯联，再以互射12码晋级，嚟到第3圈遇上英超球队，当然继续以其打不死精神应战。不过自英联盃第2圈後，沙福特城连续5场输波，球队状态麻麻，後防合共失咗11球，近4场3次开3球或以上。

般尼上场联赛斗曼联虽然输波，但表现唔差，可惜球队喺英超仲未开斋，今场极需要一场胜仗冲喜，佢哋实力比沙福特城高，只要发挥稳定，理应可以顺利赢波。不过球队过去3仗都有失波，今场或者未能保持清白之身，球队可胜不稳，似乎入球大系更好投注选择。