欧国外J组，波斯尼亚主场迎战已出线嘅葡萄牙，波斯尼亚现时排第4，无奈阵容老化，想谷都谷唔起。至於葡萄牙已经达成出线任务，余下赛事将会试阵，但阵容同样星光熠熠，而且佢哋攻力强兼踢法积极，近7仗6次半场领先，直取半场客胜。■（周二凌晨2时45分开赛）

波斯尼亚虽然仲有出线机会，但最後3轮分别要对榜首葡萄牙、小组第3嘅卢森堡同第2嘅斯洛伐克，可谓场场生死战，佢哋最大问题系严重老化，仲要靠37岁前锋迪斯高同33岁中场比真历支撑大局，实在唔值得睇好。

葡萄牙已经出线，上仗对斯洛伐克梅开二度嘅C朗估计会被收起，会畀班小师弟落场，但睇番佢哋阵容仍然强劲，例如上仗开纪录嘅干卡路拉莫斯、祖奥菲历斯、鲁宾尼维斯，同样系入球保证，呢班球员为讨好新帅马天尼斯争取入选明年决赛周，更加唔会放软手脚，佢哋近期半场领先嘅摊路，照跟冇坏。