今午澳职大战，墨尔本胜利主场迎战威灵顿凤凰。两队开季表现出色，3战同样取得2胜1和，得失球差相同，墨尔本胜利以较多得球排联赛第2，威灵顿凤凰排第3，表现不相伯仲，不过近3次交手墨尔本胜利全胜，似乎墨尔本胜利赢面较高，热捧主胜。

墨尔本胜利近况对办，特别系射手科拿路利头3轮合共攻入6球，包括前仗主场对纽卡素喷射机半场食出「大四喜」，现时暂居射手榜首位，脚风奇顺，今场定必继续数胡。新签法国中场麦赫治极速融入球队，佢曾效力法甲马赛及意甲拿玻里等欧洲劲旅，嚟到澳职属大超班，为科拿路利提供强力支援，加上今季回巢嘅翼衞阿达马查奥尔交出两个助攻，攻力强劲，喺中坚洛迪历米兰达停赛之下，今场实行以攻代守。

威灵顿凤凰近况唔差，前锋奥斯卡沙华达上仗主场对布里斯班狮吼连中三元，3轮攻入4球，依家排射手榜第2，不过佢哋今季两场胜仗都系主场，作客表现稍差，联赛首仗作客西悉尼流浪者只能守和0比0，之前澳足盃作客墨尔本城更净吞3蛋，今场作客墨尔本胜利，实在唔睇好。