欧联H组榜首大战，巴塞隆拿主场迎战波图。双方同样以9分并列前2位，领先第3位萨克达3分，预料今场交锋会踢得比较谨慎，以免输波被萨克达追至同分，而且巴塞中前场脚风唔顺，近7场全开3球或以下，今场不妨向3.5球入球细埋手。（Now 645周三凌晨4时直播）

今仗胜负好睇双方究竟点解读小组形势同战意，简单嘅话，巴塞只要赢波全取3分，就肯定可以提早晋级，至於波图即使赢波，都要睇另一场萨克达战果。如果萨克达亦击败安特卫普，小组最後一仗仍然要同萨克达争一日长短，反而今场斗巴塞输波，就有机会畀萨克达追到同分。

巴塞隆拿喺鲁营出击当然想赢，不过佢哋近况哑火，近7场只攻入8球，射手罗拔利云度夫斯基只曾於前仗射入2球，其余6仗颗粒无收，呢7场总入球全开3球或以下，佢哋即使主场出击都唔系好入得，近5场喺鲁营踢嘅赛事，全部总入球亦少过4球，今场未必多波入。

波图整体实力不及主队，相信亦唔会冒险抢攻，佢哋首循环主场仅以0比1不敌巴塞，今次再碰头，估计战局唔会有大变化，都系以守代攻，希望最少取得1分，投注最好选择系3.5球入球细。