亚冠盃E组最後一轮，出线形势大局已定，锁定榜首嘅艾纳斯，将作客无缘晋级嘅伊斯迪洛。艾纳斯啱啱喺沙特联赛榜首大战输波，今场例行公事唔会同你搏命，王牌球星C朗拿度并冇随军，随时系闷战一场，1.5球嘅半场细要捧。（HOY TV 76台周三凌晨零时直播）

沙特劲旅艾纳斯今届分组赛5战4胜1和，实力明显超班，不过佢哋喺联赛要追赶榜首希拉尔，今场无关痛痒嘅比赛，据报C朗拿度并冇随大军出发，入球能力必受削弱。艾纳斯本身踢法已经较为保守，尤其上半场稳阵行先，近5场亚冠盃半场4次开1球或以下，今仗半力出战兼斗心成疑下，上半场更加唔似有波入。

塔吉克斯坦球队伊斯迪洛今届分组赛未尝一胜，5战只有2和3负，不过佢哋防守力唔算太差，2场主场分别打和1比1同0比0，5场分组赛半场总入球全开1球或以下，1.5球嘅半场细值得再追。