曼联唔单止场上战绩麻麻，早前於主场奥脱福球场嘅餐厅爆出食物中毒事件，近日被英国食物标准局嘅食物衞生评分，跌到只得最低嘅1分，真系人衰行路打倒褪。

奥脱福球场在上月21日举行安全健康环境活动，当日有访客可能食咗未熟嘅鸡肉，导致出现腹泻、发烧、胃痛、呕吐等症状，因此遭到投诉而接受调查。

之後英国食物标准局网站嘅食物衞生评分显示，当局将曼联嘅食物衞生评分，由原本最高嘅5分，减到最低嘅1分，更称其食物安全管理有好大进步空间。据报曼联对今次被扣分感到意外，将会提出上诉。「红魔鬼」连管食物安全都搞到一镬粥，迟啲新班主可能要谂谂换晒班管理层。