终於搞掂晒转手嘅曼联，主场迎战阿士东维拉，誓必力争反弹！曼联因为场外问题影响球员表现，依家不明朗因素经已除去，众球员都要喺新老板面前卖力。「红魔鬼」喺奥脱福球场对阿士东维拉甚少甩拖，近10次主场交手，获8胜1和1负压倒性佳绩，从博彩角度睇，曼联主场受让1球极之抵玩，让球主胜必捧。（Now 621及611周三凌晨4时直播）

曼联完成股份易手，绝对系球队利好消息，改革换人嗰啲太远唔讲，净系今场新老板拉特克利夫入场睇波，球员喺场上都会加多两钱肉紧，以防饭碗不保，呢点肯定即时见效。

曼联近况确系一般，主场接连不敌般尼茅夫及拜仁慕尼黑，尤其主场以0比3不敌般尼茅夫，更系曼联喺英超史上首次对「下半版」球队输3球或以上，今场再喺奥脱福出击，知耻近乎勇，再输波肯定畀球迷嘘爆。曼联今季曾经试过两次主场2连败，之後都及时反弹赢波，今场被全面睇淡，随时又杀「淡友」一个措手不及。

今场「红魔鬼」阵容上会有少许变动，联赛硬系开唔到斋嘅海伦预计会退居後备，由拉舒福特挂帅，至於上场控甩波搞到输第2球嘅小将马恩奥都会抖抖，基斯甸艾历臣将顶替佢嘅位置，曼联攻守力度都将会加强。

至於阿士东维拉虽然稳坐前4，似乎有力挑战英超宝座，不过上轮主场斗锡菲联竟然要补时先逼和对手，球队近期有回落迹象，加上维拉作客表现一般，近7场联赛作客，只得3胜2和2负，取胜率不足一半，而且佢哋作客奥脱福成绩一般，近10次只曾1胜，边有资格作客让波，曼联主场受让1球盘口极笋，让球主胜不容错过。