利物浦前锋达云纽尼斯嘅射术一直受到批评，上场对般尼打破入球荒，只系佢今季18场联赛第5球，唔少单刀、空门都出现虾碌场面，不过「红军」名宿班尼斯早前受访，就指达云纽尼斯表现已经非常全面，球迷要接受佢「射术欠奉」嘅缺点。

班尼斯表示：「达云纽尼斯好勤力、勇敢兼乐於帮助球队，如果佢有埋舒利亚、科拿或者艾宁夏兰特嘅射术，佢就会系世界最佳球员。达云纽尼斯喺前线做支点作用好大，而且斗志十足同不断协防，我觉得佢嘅表现冇问题。」

对於入球数字偏低，班尼斯更举例叫球迷接受现实：「如果当年拿铁斯有满场飞嘅运动力，佢会值5亿镑；如果云尼锺斯有埋顶级球技，身价至少2亿镑。达云纽尼斯有其他球员欠缺嘅运动力，针无两头利，如果佢乜都有，利物浦就唔会买到佢啦。」