至於皇家马德里新年第一击，就会喺主场迎战马略卡。双方近况都唔错，皇马近9战8胜1和，中下游嘅马略卡亦唔差，各项赛事累积3胜3和，不过今仗两军後防都有大将因伤停缺阵，预计为咗减少暴露呢个弱点，皇马同马略卡今场都会以攻代守，2.5球入球大必拣。（Now 632周四凌晨2时15分直播）

皇马同基罗纳同得45分并列榜首，现时争冠1分都不能少，好彩嘅系，皇马中前场早於上季开始换班，现时已经成功以青春班打拚，洛迪高高斯、费达历高华维迪、巴谦戴亚斯等慢慢上位，上年夏天加盟嘅祖迪比宁咸更加系孭重飞，加上「银河舰队」以往斗马略卡赢多输少，因此今场攞晒3分表面上困难不大。

不过，皇马防线重心拿祖费南迪斯，上场联赛斗奥沙辛拿做「红牌阿姑」，今场要停赛，加上本身有阿拉巴、丹尼尔卡华积、艾达米列达奥等受伤，呢场曹亚文尼好大机会要移後一格做替工，顶住中坚或左闸位置，防守力自然会差啲。

马略卡近6战保持不败，已经由降班区域慢慢上到中游，球队士气及状态不俗，上季佢哋主场曾经击败过皇马，踢法唔会太龟缩，而且佢哋亦有马斯卡尼受伤，加上翼衞查美哥斯达因累积黄牌够数要停赛，防守力同样出现危机，预料两军今场都会以「自己最强嗰瓣打人哋最弱嗰瓣」，以攻代守，加上皇马近5场主场4次开3球或以上，2.5球入球大放心捧。