利物浦周一(8日)凌晨英足盃第3圈作客阿仙奴，赛前突然收到停赛消息，日前由苏超球会登地回收嘅左闸奥云碧克，原来因为喺苏格兰有波监未完成，所以要喺今仗停赛「还债」。

由於安德鲁罗拔臣同森美卡斯都受伤，利物浦日前提早回收威尔斯21岁左闸奥云碧克，原本预计今仗可以先坐後备，不过英格兰足总证实，奥云碧克喺上年7月踢苏联盃期间，累积黄牌要停赛，但由於登地已经出局，令波监一直未有履行，今场英足盃系奥云碧克之後第1场盃赛，所以要完成番呢场波监。

利物浦领队高普喺回收奥云碧克後表示：「佢喺登地嘅表现有好大进步，利物浦依家情况好明显，我哋失去两个正选左闸，所以需要搵一个可以用嘅球员返嚟顶替。」