英国富商拉特克利夫收购红魔鬼25%股份，继早前同会方管理层开会之後，近日前往卡宁顿训练基地探班，同领队坦哈格、球员见面，呢位「化工大王」身材非常高大，令到身边人士睇落都变成「小矮人」，唔少网民同曼联球迷讲笑认为佢系踢中锋嘅好材料。

拉特克利夫同心腹副手巴斯福特一齐去到卡宁顿训练基地参观，同球员及职员握手，亦有去到训练场睇球队练波，并同坦哈格倾咗一阵。

拉特克利夫探班相片曝光之後，网民同曼联球迷竟然最留意佢嘅身高，因为连1米76嘅坦哈格企喺佢身边，就矮咗成个头，目测呢位富豪身高应该超过1米90。网民纷纷留言话：「真系好高大」、「佢可以踢中场中吗？」、「佢可以踢中锋吗？」，更有人夸张到话拉特克利夫有8尺高，可以带领曼联重返高峰。