周六(6日)英足盃第3圈赛事，布力般流浪主场5比2击败剑桥联，呢场比赛嘅主角唔系连中三元嘅斯莫迪斯，而系首演嘅15岁「细路」芬拿伦，佢成为布力般流浪史上最年轻上阵球员，不过佢落场就要着同队友唔同嘅「特别版」波衫。

面对英甲嘅剑桥联，布力般上半场两度落後下，凭斯莫迪斯轰入3球，半场领先3比2；换边後布力般发力再入多2球，大局已定下，布力般领队汤马臣喺补时换入15岁312日嘅芬拿伦，令佢成为球队史上最年轻球员。

芬拿伦系爱尔兰U15国脚，被布力般重点提拔，但有趣嘅系，由於布力般心口赞助商Totally Wicked系出售电子烟嘅公司，而英国系禁止未成年人士购买，「未够秤」嘅芬拿伦亦唔能够帮公司宣传，所以佢落场要改着心口「白雪雪」嘅冇广告波衫。