曼联今个冬窗全力清洗冗员，已有云迪碧克同利古朗离队，下个清洗目标就系华拉尼，红魔鬼早前曾接触皇马，希望对方回收但遭拒绝，近日再传出佢哋竟然向皇马死对头巴塞推销华拉尼！

《TeamTalk》报道，曼联获新股东拉特克利夫接管後，正在精简人脚，华拉尼被视为「问题球员」，周薪高达34万镑(约340万港元)，但又未能在後防独挑大梁，不时受伤，近期已被坦哈格踢出正选行列。

2021年曼联从皇马收购华拉尼，转会费4,000万欧元(约3.4亿港元)，依家佢哋打算5折出售，转会费只收取2,000万欧元(约1.7亿港元)，并曾经向皇马兜售，但被对方拒绝，於是向另一班霸巴塞推销。

先唔讲巴塞能否支付华拉尼高昂人工，呢位法国中坚喺皇马效力长达10年，曼联竟然将佢推荐畀死对头巴塞，可以话相当荒谬。