利物浦两名主力远藤航同穆罕默德沙拿，已暂时离队征战亚洲盃同非国盃，为期可能长达1个月，红军领队高普喺英足盃对阿仙奴嘅赛前记者会表示，希望两人所属嘅国家队小组出局，快啲返嚟。

高普表示：「如果我话祝佢哋好运，咁即系讲大话，希望佢哋分组赛出局，但其实冇咩可能。我希望佢哋能健康归队，我会搵到方法取代佢哋。」

远藤航入选日本国家队征战亚洲盃，日本系亚洲盃4届盟主，上届亚军，喺亚洲实力大超班，今届分组赛对手有印尼、伊拉克同越南。

穆罕默德沙拿将代表埃及角逐非国盃，佢哋系非国盃7届冠军，上届亚军，今届分组赛对手有佛得角、加纳同莫桑比克，出线问题不大。