前利物浦队长佐敦轩达臣早前放风想返欧洲比赛，近日阿积士有回应，表示愿意同佢签约，但佢可能要接受大幅减薪80%，人工得番佢喺沙特嘅20%。

佐敦轩达臣去年夏天离开利物浦，转投沙特球队伊蒂法克，上阵19场交出5个助攻，周薪高达35万镑(约348万港元)，仲系免税，依家佢希望重返欧洲比赛，肯定要放弃丰厚收入。

阿积士今季成绩大跌，一度跌至榜尾，近期表现回稳上番联赛第5，阵中最高薪球员贝云积，周薪亦只系6.9万镑(约68万港元)，如果阿积士签佐敦轩达臣，相信都只能够畀到呢个人工，只及佐敦轩达臣现时人工嘅20%。