根据英国《太阳报》爆料，曼联领队坦哈格同前锋拉舒福特关系紧张，两人近期几乎冇交谈，加上「福仔」状态持续低迷，令人怀疑佢可能步查顿辛祖後尘，面临被坦哈格打入「冷宫」。

据悉两人决裂导火线系拉舒福特1月底飞到北爱尔兰贝尔法斯特渡假，被影到进入当地夜店消遣，搞到病咗，延迟归队并缺席操练，未能出战英足盃第4圈作客纽波特郡。事後曼联官方曾经发表声明，指已向拉舒福特作出纪录处分，盛传罚款2星期人工(约65万镑)。

当全世界以为坦哈格会对拉舒福特网开一面时，原来事情仲未完，两人已存有芥蒂，坦哈格愈来愈不满拉舒福特嘅比赛态度，包括早前英超对富咸，佢被对手拦截之後，却唔肯反抢，激到坦哈格紮紮跳。不过，由於射手海伦受伤，坦哈格只能焗用拉舒福特踢正选，估计当海伦复出之後，拉舒福特应该冇运行。