欧国盃B组赛事，衞冕嘅意大利首仗对住弱旅阿尔巴尼亚。意大利嘅标志就系防守稳如泰山，决赛周前赛事亦延续呢个优良传统，近5场比赛有4场保持不失球，该4仗总入球全开2球或以下，今仗随时小胜就收够筹，博2.5球入球细稳阵。（Now 618周日凌晨3时直播）

意大利锋线人才凋零，箭头施卡马卡把握能力唔高，而且攻击线又缺乏高速度球员，面对死守球队往往束手无策，今个月两场热身赛对土耳其和0比0，以及1比0赢波斯尼亚都有出现类似问题。当然意大利嘅防守纪律性唔需要怀疑，今仗有能力赢波，但唔好期望会大胜。

另边厢，阿尔巴尼亚自知实力有限，今仗必定屯重兵防守，佢哋受意大利足球影响好大，非常注重防守，迪占士堤、希沙积、伊斯马伊利等守将都喺意甲有好表现；阿尔巴尼亚喺欧国外8场赛事入面，就有6场总入球开2球或以下，出线决赛周全靠稳健防守，今仗博2.5球入球细系最佳选择。