周四(31日)凌晨英联盃第4圈，阿仙奴半力出击下作客3比0大胜普雷斯顿，17岁新星华拿利担任正选继续有出色表现，继上轮梅开二度後又轰入世界波，赛後获领队阿迪达大力赞赏。

阿仙奴今场派出大量副选，17岁中场华拿利喺上一圈首次正选即入2球，今场第2次正选依然抢镜。加比尔捷西斯24分钟先开纪录，华拿利33分钟禁区顶射门直飞上角，半场入替嘅夏维斯57分钟入多球，助「兵工厂」轻松赢3比0，8强将会喺主场迎战水晶宫。

华拿利入波影片：https://twitter.com/i/status/1851721091636662491　

华拿利为阿仙奴两次踢正选入3球，领队阿迪达赛後表示：「华拿利天份好高，有好好嘅态度同成长环境，我哋要用合适嘅节奏，按部就班咁帮佢成长。球场上佢好有胆识，球场外就同好多17岁一样比较较安静，你见到队友都好愿意将佢波交畀佢，我哋有一粒好好嘅宝石，我好开心。」