曼城求购夏兰特有新进展，据英国传媒报导，「蓝月亮」为多蒙特前锋开出嘅50万镑周薪合约已获接纳，并有望启动其买断条款，意味呢位挪威国脚，有望跟随父亲脚步，加盟曼城征战英超。

据《每日邮报》爆料，曼城已准备投入重金，启动多蒙特为夏兰特设立嘅6300万英镑买断条款，并准备为呢位21岁前锋提供50万镑周薪合约，双方签约5年，如果事成，夏兰特将成为英超最高周薪嘅球员。据报曼城已经同紧夏兰特嘅代表倾紧最後细则，呢单交易有望喺未来几周内落实。

2020年由萨尔斯堡转投多蒙特，已在德甲舞台证明自己超强实力，除咗曼城之外，皇家马德里同巴黎圣日耳门等欧洲豪门球队，都对呢位挪威国脚虎视眈眈。虽然曼城现时高踞联赛榜首，但领队哥迪奥拿，一直有意为球队加强锋线兵源，引入高产射手，其中夏兰特就系「蓝月亮」主力引援目标。夏兰特爸爸恩治夏兰特，过去喺英超搵食期间曾效力曼城，生於英国嘅夏兰特，唔知会否受父亲影响，而作出转会决定呢？