曼联今季彻底失败，近日有传媒发挖球队下半季内幕，调查发现看守领队兰历克上任不久已失去球员信任，王牌球星C朗更早於1月表明，如果兰历克转为正式领队，自己就会离开。

《ESPN》访问其中一位曼联球员，佢话所有球员之前对兰历克一无所知，当会方宣布任命兰历克後，球员先至上网搵佢嘅资料，而兰历克带嚟嘅助教亦名不见经传。

兰历克去年12月担任看守领队，合约只有半季，但佢喺曼联嘅蜜月期相当短暂，甚至乎冇，主要原因系兰历克情商太低，喺记者会上口没遮拦，向公众任意批评球员，又披露球员私隐，令球员好冇面。

早在1月，C朗已向会方表明，如果兰历克转任正式领队，佢自己会离队，而类似C朗想法嘅球员，不在少数，导致士无斗志。

幸好球会最终并无续用兰历克，佢嘅看守领队工作已经结束，对球队嘅影响亦都完结。