连格今夏约满离开曼联之後，尽管传出韦斯咸、爱华顿、纽卡素有意签佢，但英国传媒最新报道，指呢位29岁中场已经飞去美国度假，并预备同美职球会倾加盟事宜，由曼联大师兄碧咸做班主嘅国际迈亚密或许系连格落脚地。

据悉连格喺美国度假期间，获得两支美职球队斟介，尽管冇开名，但其中一队或许系国际迈亚密。因为呢支球队有红魔DNA，除咗其中一位班主系碧咸之外，教练亦系曼联经典「7小福」之一嘅菲腊尼维利，所以签入连格并唔出奇。

事实上，有唔少事业走下坡嘅球星都挑选去美职，包含早前加盟FC洛杉矶嘅基亚连尼、加里夫巴利，连格或者会成为新一员。