英格兰足总周二(5日)宣告，巴西前锋李察利臣喺5月份一场英超，执起焰火掟向观众席，因「行为不检」被罚25,000镑兼停赛1场，意味啱啱由爱华顿转投热刺嘅佢，将会错过新球季英超开锣战。

上年5月爱华顿对车路士嘅联赛，李察利臣一箭定江山带领爱华顿赢波，佢庆祝嗰阵执起看台上掟落嚟嘅焰火，掟番上观众席「回击」，英格兰足总查询後，决议罚「认罪」嘅李察利臣停赛1场。

李察利臣早前以6,000万镑转会费加盟热刺，所以呢场停赛会喺热刺履行，新球季开锣战主场对修咸顿一仗服刑，如无意外要到第2轮作客车路士嘅大战，先可为热刺喺正式竞赛「地标」。